Music & Songs » 29. Heitere Open Air − 09. bis 11. August 2019

Marc Sway hat rasch zugesagt, den Heitere Song 2019 zu liefern. Ebenso rasch war auch klar, dass er als Musik dafür den Titelsong «Way Back Home» aus seinem gleichnamigen aktuellen Album nimmt und den Text adaptiert. Dieses Lied handelt von «Saudade» (ein brasiliansiches Wort für Fernweh, Heimweh, Sehnsucht). «Saudade» kennen wir alle – gerade auch nach einem tollen Heitere Open Air, wenn man wieder ein Jahr bis zum nächsten warten muss oder vor dem Festival, wenn die Vorfreude auf die schöne Atmosphäre und viele Wiedersehen steigt. Marc selber sagt: «Auf dem Heitere zu spielen, ist jedes Mal ein nach Hause kommen. Die familiäre Stimmung, die Gastfreundschaft und die Herzlichkeit sind hier überwältigend.» Er hat diese Gefühle in Schweizer Mundart verpackt, eine Première für ihn, der bislang nur englisch gesungen hat. Der Heitere Song feiert seine Uraufführung am Sonntag, 11. August auf der Lindenbühne.

• Credits und Lyrics

  Music: Marc Sway, Leon Schurz, Lars Christen
  Lyrics: Marc Sway, Dabu Bucher

  Din Weg Hei (Way Back Home)

  Saudade isch es Wort
  Won ich immer bi mer han
  Ha’s mitgnoh won ich her chum
  Trägs mit mir wenn ich gang
  A Saudade, a Saudade

  Saudade isch es Gfühl
  Wie n’es Riiserad
  Wenn d’obe bisch gsehsch abe
  Dunne weisch dass s’wiiter gaht
  A Saudade, a Saudade

  Din Weg Hei
  Egal wie wiit
  Chan gar nie z’lang sii

  Din Weg Hei
  Egal wie wiit
  Chan nie nie z’lang sii
  Saudade laht dich liide

  und raubt dir de Verstand
  Saudade, bringt dir Nächi
  erst mit richtig vill Distanz
  A Saudade, a saudade

  Din Weg Hei
  Egal wie wiit
  Chan gar nie z’lang sii

  Din Weg Hei
  Egal wie wiit
  Chan nie nie z’lang sii
  Heiweh nach dä Musig

  Heiweh nach em Park
  Im Schatte vo de Linde
  Heimweh nach em Wald

  Heiweh nach em Heitere
  Wos Truurige vertriibt
  Heiweh nach de Liebi
  Und Heiweh nach em Heiweh

2018 hat der angesagte Solo-Künstler und Produzent Dodo den Steilpass aufgenommen, die unvergleichliche Stimmung am Heitere Open Air in Text und Musik zu verpacken. Und schliesslich war er so angetan von seinem Heitere Song, dass er ihn gleich noch als generischen Festivalsong veröffentlichen wollte! Endlich ist geklärt, woher der sagenumwobene Ruf stammt, der auch auf dem Heitere Campingplatz Jahr für Jahr lauthals von Zelt zu Zelt hallt: «Heeelgaaa!»

• Credits und Lyrics

  Music: Dodo, Marco Jeger
  Lyrics: Dodo, Lo Häberli

  Vocals: Dodo
  Keys & Programming: Dodo, M. Jeger
  Guitar: L. Bochicchio
  Percussion: F. Reichle
  Backingvocals: N. Tejada

  2018: «Helga am Heitere»

  Sing Dodo! Vor es paar Jahr hani am Heitere Open Air en Typ kenneglernt, de hät mir sini Gschicht verzellt, wie er sini Liebi verlore hät und bis hüt suecht er sie genau da: I de mitti vor de Bühne.
  Es isch Liebi – uf de erschti Moschpit
  I dem Mensche Meer – gseht er numeno sie
  Wie sie springt – so höch – als wett si bis zum Mond hi
  Doch sie landet – nur lachend ufem Bode vor ihm

  Und sini Welt staht still – ja sini Welt macht sinn
  Wo sie ihm en Kuss git – will er ihre ufhilft
  Und sie laht nöd los – will das Meer isch wild
  Zieht ihn nöch zu sich – und denn seit sie ihm

  Pre Chorus
  Und söttemer eus irgend wenn im Gwüehl verlüre
  Denn träffemer eus vorne i de Mitti vor de Bühne
  Oooh – i de Mitti vor de Bühne

  Chorus
  Helga – wo bisch du nur hi
  Helga – ich wett nume dich
  Ich würd für dich dur d’Höll gah
  Wieso bisch du nöd da – I de Mitti vor de Bühne

  Und sie rietet – uf dere Bass-Wälle
  I dem Melodiemeer – es git nüt wo sie cha tränne
  Sie sind so nöch – als ob sie sich scho lang kennet
  Sie sind seeleverwandt – oooh – es isch meh als Verstand

  Doch sini Welt staht still – i dem augeblick
  Wo e strömig si mitriesst – und sie vo ihm wegtriebt
  Er gaht ihre na – doch hät er gar kei Chance
  Ghört nur no ihri Stimm – gseht wie sie undergaht – und sie rüeft

  Pre Chorus

  Chorus
  Er suecht si überall – er suecht si Jahr für Jahr
  Und er hät all lüt gfrögt – ufm Campingplatz
  Alli wüssed wie sie heisst – nur niemert wer sie isch
  Und alli hoffed mir – dass er sie wieder find
  Und me ghört ihn hüt no rüefe

  Chorus

Der Heitere Song 2017 stammt von niemandem Geringerem als Stiller Has! Entstanden ist eine schöne Ballade, die viele Bilder in unserem Kopf entstehen lässt, ein Song, der die magische Festivalstimmung einfängt und von den lauen Sommernächten auf dem Heitere handelt, an die man sich gerne zurück erinnert.

• Credits und Lyrics

  Text/Stimme: Endo Anaconda
  Musik/Gitarre: Boris Klecic
  Perkussion: Andi Pupato
  Bass: Andreas Wyss
  Piano: Roman Wyss

  Arrangement: Stiller Has
  Recording, Mix und Mastering: Roman Wyss

  2017: «Chomm mer tanze wie d’Ching um ne Linde!»

  chumm mir tanze wie’d ching um ne linde
  si scho chly älter oder scho gross
  und d’grossmüetter wärde jünger
  me träumt vo däm, wo me het gha

  vom lächle i ihrem gsicht
  u vom nachtluft i ihrem haar
  vo dene magische nächt
  wo mir zäme hei gha

  I gange nümm der aare nah
  wo düre aargau geit
  I bliibe uf mim heitere
  pfad wo mi witer treit

  mit glänzige ouge
  u mit em nachtfluft im haar
  mit däm wo ni ha gfunde
  mit däm wo nie wirde ha

  im zouber vo de lieder
  aui zäme du u e
  s’brucht liebi, freud u fründschaft
  s’brucht musig, s’brucht poesie

  so isch’s sit ewigkeite gsi
  sit tuusig jahr oder meh
  e momänt lang d’zyt vergässe
  eifach sich sälber si

  mit em glanz i de ouge
  u em nachtluft im haar
  i dene magische nächt
  wo mir zäme wärde ha

  i de verschrissnige jeans
  die heit dir vom mami gerbt
  zyte vergöh und chöme zrügg
  das het mi ds läbe glehrt

  chumm mir tanze rund um ne linde
  ei schritt zrügg und zwöi schritt vor
  u d’meitschi wärde schöner
  u d’buebe schiesse tor

  ja im zouber vo de lieder
  aui zäme du u e
  s’brucht liebi, freud u fründschaft
  s’brucht musig, s’brucht magie

  mit em glanz i de ouge
  tanze mir e reige
  i dere magische nacht
  wo mir zäme hei

Wir führen die Idee weiter, von einem auftretenden Künstler einen groovenden Song für die Heitere-Familie schreiben zu lassen. Dafür konnten wir dieses Jahr Kunz – selber ein langjähriger Heitere-Gänger – sofort begeistern. Entstanden ist ein Kunz-typischer Song, der das Heitere Feeling perfekt wiedergibt! Text und Musik stammen von Marco Kunz selber. Arrangiert und produziert haben das Lied Marco Kunz, Edis Kahrimanovic und Manuel Römer, gemixt und gemastert wurde es von Edis Kahrimanovic.

• Credits und Lyrics

  2016: «Heitere»

  De Wäg zo der fühlt sech wie nes Heicho ah.
  De Bärg doruf, ab em Zäutplatz fohds met Fiire ah.
  Plötzlech besch e Teil devo, vo dere Gross Famili do,
  de ganzi Sommer gwartet druf, mach die Tör jetz uf…

  De Bass esch am Pompe,
  De Bärg esch am Gompe,
  Ond mer send mettedrenn.
  Mer fiired die Ziit,
  Met de Musig ond de Lüüt,
  Denn das esch üses Deng.

  Es esch Heitereeee…

  Dini Band spöut scho, d Party fohd jetzt rechtig ah.
  Luut ond bont, e sones Wochenänd hesch scho lang nömm gha!
  Bekannti Gsechter, nöi Gschechte, vo dem verzöusch no lang devo,
  Es grosses Wedersehe, jedes Johr.

  De Bass esch am Pompe,
  De Bärg esch am Gompe,
  Ond mer send mettedrenn.
  Mer fiired die Ziit,
  Met de Musig ond de Lüüt,
  Denn das esch üses Deng.

  Es esch Heitereeee…

  Mer freued üs of Loftgittareschte, Aargou Toureschte,
  of Sonneabätter, Ländei ond Städter,
  Of Gommistefu-Frönde ond Fürchwärch-Zönder
  ond es paar chüeli Bier met de Partytier

  De Bass esch am Pompe,
  De Bärg esch am Gompe,
  Ond mer send mettedrenn.
  Mer fiired die Ziit,
  Met de Musig ond de Lüüt,
  Denn das esch üses Deng.

  Am Heitere…

Als Hommage ans Festivalleben generell und an 25 Jahre Heitere Open Air im speziellen haben uns The Rumours einen eigenen Song geschrieben! «Bouger (25 Jahre Heitere)» lädt eingängig und zweisprachig zum Mitsingen und Mitbewegen ein, beschreibt die Liebe und die Treue zum Linden gesäumten Platz im Herzen der Schweiz: Seit Jahren gehört das Heitere Open Air zum Fixpunkt im Sommer und wird es noch lange bleiben!

• Credits und Lyrics

  Der Text stammt von Grégoire Vuilleumier (Greis), die Musik von Benjamin Noti. Arrangiert und produziert wurde der Song von Thomas Rechberger und Benjamin Noti, gemastert von Oli Bösch. Beteiligt sind Greis (vocals), Tilla Künzli (backing vocals), Benjamin Noti (guitars), Georg Dillier (bass), Domi Chansorn (drums) und Philippe Kuhn (pianos).

  2015: «BOUGER (25 Jahre Heitere Open Air)»

  De heimeris wider ufteilt, d’Rouene aagno
  Ds Ändi geng abrupt, Zäut wider abbroche
  Mir heinis azoge, mir heinis abzoge
  Und das vo dr Nacht druf, nie wider aagsproche
  Scho nume par Wort si zviu und beschribe nid das wo
  Mir gha hei ke Frag üsi Blicke si d’Antwort
  Mir gsenis wider we de ds nächste Mau chunt
  Di drü Tag wofür sech o dr räscht vom Jahr lohnt
  Obe vom Norde, abe vom Süde
  Mir tanze wider uf dr Wise wo d’Achsene chrütze
  Und o mit zuenigen Ouge, i fänds grad
  Chum mir mache itscho ab für i 25 Jahr

  Nur e Moment entfärnt vom Uftritt
  Vom Schouplatz wod Mängi drufblickt
  Bei zittre Tempratur stigt
  Dr Puls rast bis dr Vulkan usbricht

  Bouger

  On va pousserToujours plus hautToujours avancerOn va tout brûlerOn va bousculerOn va bougerJamais s’arrêter

  De simer wider id Wäut zoge, niemer het zrügg gluegt
  Aui si wäggfloge, brönnendi Brügge
  D’Wysen isch läär gfägt wo au ihres Glück sueche
  Gsenis de nächsts Jahr we ds Heitere zrügg chunt
  Blybenis treu sit Ching, tröimen u finde d’Rue
  Jedes Jahr chunt e Ring drzue, mir si wi Böim
  Im Meer vo Mönschen, im Lärm vo dr Meute
  U wemer üs verlüre, erfindemer is neu
  Wider es Jahr, chum gimer es Glas
  Ir änge Mönschemängi fingi di ufem riisige Platz
  Träfenis juste are Bar hinger em Tag
  Nid tänkt dasmer nach 25 Jahr immer no da si

  Nur e Moment entfärnt vom Uftritt
  Vom Schouplatz wod Mängi drufblickt
  Bei zittre Tempratur stigt
  Dr Puls rast bis dr Vulkan usbricht

  Bouger

  On va pousserToujours plus hautToujours avancerOn va tout brûlerOn va bousculerOn va bougerJamais s’arrêter

Source